Сацыял-дэмакраты прапануюць перайменаваць вуліцы Магілёва

Радыё Свабода
3 марта 2010, 12:58
Сябры Беларускай сацыял-дэмакратычнай партыі "Грамада" з Магілёва прапануюць уладам перайменаваць гарадскія вуліцы. Новымі назвамі сацыял-дэмакраты хочуць ушанаваць асобаў, якія стаялі ля вытокаў беларускай дзяржаўнасці.

"Назвы нашых вуліц спрэс атаясамляюцца з савецкай эпохай. А такія дзеячы, як Аркадзь Смоліч, сям'я Гарэцкіх, Міхась Ткачоў, Зміцер Жылуновіч, не ўшанаваныя ў назвах нашых вуліц. Мы хочам пераназваннем выправіць гістарычную памылку. Зараз тапанімічная камісія вынесла на разгляд грамадскасці варыянты перайменавання шэрагу гарадскіх сквераў, і мы вырашылі скарыстаць гэтую магчымасьць. Свае прапановы мы дасылаем у гарвыканкам", - кажа лідэр магілёўскіх сацыял-дэмакратаў Ігар Барысаў.

Некаторыя магілёўскія вуліцы названыя імёнамі беларукіх дзеячаў культуры. У адным са спальных раёнаў абласнога цэнтра ёсць вуліца Янкі Купалы. Яе працягласць - каля ста метраў. Забудаваная яна драўлянымі дамамі.

Ёсць і вуліца Максіма Багдановіча. Яна наогул на гарадской перыферыі - у напрамку райцэнтра Чавусы.

За апошнія тры гады ў цэнтры горада ўлады вярнулі гістарычную назву частцы вуліцы імя Лазарэнкі. Цяпер шэсць дамоў, узведзеных на пачатку 20 стагоддзя, стаяць на вуліцы Віленскай. Палова з іх разбураецца. Вярнулі гістарычную назву і завулку Карла Лібкнехта. Цяпер ён завецца Пажарным завулкам. Ініцыявала перайменаванне пажарная частка. Паўгода таму яна, праўда, пераехала ў іншае месца.

Магілёўскія гісторыкі прапануюць вярнуць гістарычную назву і пешаходнай вуліцы Ленінскай. Да прыходу ў Магілёў расіян яна называлася Ветранай. Расіянам назва не спадабалася. Яе перайменавалі ў Вялікую Садовую. Гісторыкі прапануюць вярнуць Магілёву вуліцу Ветраную.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовости субъектов ❯ Сацыял-дэмакраты прапануюць перайменаваць вуліцы Магілёва