У Мінску памёр Віктар Івашкевіч

"Наша Ніва"
3 октября 2013, 14:25
На 55-м годзе жыцця пасля цяжкай працяглай хваробы памёр Віктар Івашкевіч. Паводле словаў сябры і аднапартыйца Лявона Баршчэўскага, у Віктара Івашкевіча была хвароба пячонкі, ён доўга чакаў донара, але не дачакаўся. Доўгі час ляжаў у бальніцах.

Віктар Івашкевіч нарадзіўся 21 верасня 1959 г. у Мінску. З пачатку 1980-х — у моладзевым нацыянальным руху, удзельнік "Майстроўні", "Талакі". З 1988 г. — у Беларускім народным фронце.

Быў арганізатарам страйкаў на мінскіх прадпрыемствах у 1991 г. Шмат разоў падпадаў пад адміністрацыйныя пакаранні і арышты. Быў рэдактарам газэты "Рабочы". У кастрычніку 2002 г. быў асуджаны на два гады абмежавання волі за публікацыю артыкула "Злодзей павінен сядзець у турме", у якім пракуратура ўбачыла паклёп на прэзыдэнта.

Намеснік старшыні Партыі БНФ да 2009 году. Да лютага 2011 году быў кіраўніком мінскай гарадской арганізацыі БНФ. Але ў лютым абвясціў пра выхад з партыі з-за нязгоды з пазыцыяй, якую заняў былы кандыдат у прэзідэнты Рыгор Кастусёў. Быў сябрам аргкамітэта партыі "Беларускі рух".
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовостиНовость дня ❯ У Мінску памёр Віктар Івашкевіч