Новы праект Вольскага

Сяргей Нятр www.udf.by
15 декабря 2009, 10:45
Сам аўтар праекту называе яго псеўдадакументальным пазітыўна-музычным даследаваннем на тэму таго, як бы выглядалі і што б спявалі яго ўдзельнікі, каб жылі ў 60-х гадах мінулага стагоддзя ў розных краінах і частках свету – ад Францыі, Англіі і ЗША да Беларусі і Кітая.

Песні з праекта "Такога няма нідзе" ужо маглі пабачыць гледачы тэлеканала "Белсат" у гэтую навагоднюю ноч. Да сёлетніх Калядаў было вырашана прадставіць супольны праект на дысках, як у CD, так і ў DVD-варыянце.

"Гэта псеўдадакументальнае пазітыўна-музычнае даследаванне на тэму таго, як бы выглядалі і што б спявалі яго ўдзельнікі, каб жылі ў 60-х гадах мінулага стагоддзя ў розных краінах і частках свету – ад Францыі, Англіі і ЗША да Беларусі і Кітая. Мне здаецца, што мы зрабілі шэраг сенсацыйных і нават шакіруючых выкрыццёў", - так тлумачыць сэнс праекту Лявон Вольскі, аўтар усіх песень да дыска.

У праграме "Такога няма нідзе" шмат дуэтаў, часам вельмі нечаканых. Так, напрыклад, Алег Хаменка з "Палацу" спявае разам з тэлевядучай Кацярынай Пытлевай, Руся з Akana-NHS з чорнаскурым Андрэем Такіндангам.

Акрамя іх у праекце ўзялі ўдзел вакаліст "Ляпіса Трубяцкога" Павал Булатнікаў, лідэр J:морс Уладзімір Пугач і прафесійныя акцёры – Святлана Зелянкоўская, Алег Гарбуз, Ганна Хітрык.

Канцэртная прэм’ера праекта адбудзецца 22 снежня ў межах фэста "Сонцастаянне" ў клубе "Рэактар".
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовостиГлавные новости ❯ Новы праект Вольскага