Барадулін упадабаў альбом Вольскага

Сяргей Нятрэба, www.udf.by
16 марта 2010, 00:18
Адным з першых, хто пачуў новую праграму Лявона Вольскага "Белая яблыня грому", стаў Рыгор Барадулін. Народны паэт Беларусі, чый верш і даў назву дыску, асабліва ўразіўся рэп-прачытаннем твора Францішка Багушэвіча.

Канцэпцыя новай праграмы Лявона Вольскага палягае ў тым, што вершы беларускіх класікаў знайшлі сваё музычнае ўвасабленне ў розных музычных кірунках. Ёсць тут і рок, і рэп, і нават хэві-метал. Рэп на верш Багушэвіча "Немец" асабліва прыйшоўся да спадобы аднаму з першых слухачоў дыска – Рыгору Барадуліну, які нядаўна справіў свае 75 год:

- Здавалася, што тут такія вершы, на якія немагчыма напісаць. Напрыклад, Багушэвіча – гэта толькі Вольскі мог! І якраз яна гучыць, гэтая песня! Ну, а што тычыць "Белай яблыні грому"… Не таму, што яна мая – я не з тых, хто толькі сваё любіць… Але мяне дужа ўразіла песня, Лявонаў падыход, меладычнасць.

Народны паэт Беларусі паабяцаў прыйсці 23 сакавіка ў Купалаўскі тэатр на жывую прэзентацыю праграмы "Белая яблыня грому", калі яму дазволіць здароўе.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовостиГлавные новости ❯ Барадулін упадабаў альбом Вольскага