Мінкультуры просіць абгрунтаваць каштоўнасць бел-чырвона-белага сцяга
Арганізатары кампаніі па наданню бел-чырвона-беламу сцягу гісторыка-культурнай каштоўнасці атрымалі ад намесніка міністра культуры Віктара Кураша разгорнуты адказ на свой зварот.
У адказе напісана, што прапанова аб наданні статусу гісторыка-культурнай каштоўнасці ўносіцца ў Міністэрства культуры любой юрыдычнай або фізічнай асобай ў пісьмовай форме з абавязковым яе абгрунтаваннем.
У адпаведнасці з палажэннем "Аб парадку вядзення Дзяржаўнага спіса гісторыка-культурных каштоўнасцей Рэспублікі Беларусь", абгрунтаванне павінна ўключаць:
– звесткі аб месцазнаходжанні матэрыяльнага аб’екта або нематэрыяльнага праяўлення творчасці чалавека, якому прапануецца надаць статус гісторыка-культурнай каштоўнасці (далей – аб’ект);
– апісанне і мастацкую ацэнку аб’екта для вызначэння крытэрыяў надання статусу гісторыка-культурнай каштоўнасці;
– гістарычныя звесткі аб характары, абліччы, яго ўплыве на развіццё рэгіёна або рэспублікі, звесткі аб аўтары або прыналежнасці знакамітай выдатнай асобе, аб перыядзе стварэння гэтага аб’екта, яго ўладальніках і іншае;
– фотаздымкі 10х15 см у колькасці, якая дае найбольш поўнае ўяўленне аб аб’екце.
Пасля таго, як абгрунтаванне будзе складзенае і дасланае ў Міністэрства культуры, яго накіруюць на разгляд Навукова-метадычнай радзе. Рада павінна будзе разглядзець яго ў 30-цідзённы перыяд пасля атрымання. Разгляд Рады будзе ўключаць фіксацыю, навуковую апрацоўку і мастацкую ацэнку бел-чырвона-белага сцяга, як нематэрыяльнай гісторыка-культурнай каштоўнасці.
Выніковае рашэнне на аснове вынікаў працы Навукова-метадычнай рады, згодна з законам "Аб ахове гісторыка-культурнай спадчыны Рэспублікі Беларусь", будзе прымаць Савет Міністраў Рэспублікі Беларусь.
З гэтай нагоды арганізатары кампаніі з’вяртаюцца да беларускіх гісторыкаў і навукоўцаў, якія зацікаўленыя ў наданні бел-чырвона-беламу сцягу статуса гісторыка-культурнай каштоўнасці, далучыцца да напісання і прадастаўлення дакументальнага абгрунтавання нашай прапановы. І дапамагчы зрабіць, як напісана ў адказе, "поўную, дакладную і якасную фіксацыі аб’екта, якому прапаноўваецца надаць статус гісторыка-культурнай каштоўнасці, графічнымі сродкамі".
Звязацца з намі і даслаць варыянт абгрунтавання можна праз пазначаныя на сайце кантакты.
Дарэчы, Міністэрства культуры таксама патлумачыла, што ў 2008-м годзе такое пытанне ўжо разглядалася, але паколькі дакументальнага абгрунтавання, якое патрабуе закон, не было, то Навукова-метадычная рада не падтрымала прапанову аб наданні ўказанага статуса.
Таму, каб пытанне зараз зноў патрапіла на разгляд Рады, трэба скласці адпаведнае абгрунтаванне.
Ніжэй знаходзяцца копіі адказаў Міністэрства культуры.
У адказе напісана, што прапанова аб наданні статусу гісторыка-культурнай каштоўнасці ўносіцца ў Міністэрства культуры любой юрыдычнай або фізічнай асобай ў пісьмовай форме з абавязковым яе абгрунтаваннем.
У адпаведнасці з палажэннем "Аб парадку вядзення Дзяржаўнага спіса гісторыка-культурных каштоўнасцей Рэспублікі Беларусь", абгрунтаванне павінна ўключаць:
– звесткі аб месцазнаходжанні матэрыяльнага аб’екта або нематэрыяльнага праяўлення творчасці чалавека, якому прапануецца надаць статус гісторыка-культурнай каштоўнасці (далей – аб’ект);
– апісанне і мастацкую ацэнку аб’екта для вызначэння крытэрыяў надання статусу гісторыка-культурнай каштоўнасці;
– гістарычныя звесткі аб характары, абліччы, яго ўплыве на развіццё рэгіёна або рэспублікі, звесткі аб аўтары або прыналежнасці знакамітай выдатнай асобе, аб перыядзе стварэння гэтага аб’екта, яго ўладальніках і іншае;
– фотаздымкі 10х15 см у колькасці, якая дае найбольш поўнае ўяўленне аб аб’екце.
Пасля таго, як абгрунтаванне будзе складзенае і дасланае ў Міністэрства культуры, яго накіруюць на разгляд Навукова-метадычнай радзе. Рада павінна будзе разглядзець яго ў 30-цідзённы перыяд пасля атрымання. Разгляд Рады будзе ўключаць фіксацыю, навуковую апрацоўку і мастацкую ацэнку бел-чырвона-белага сцяга, як нематэрыяльнай гісторыка-культурнай каштоўнасці.
Выніковае рашэнне на аснове вынікаў працы Навукова-метадычнай рады, згодна з законам "Аб ахове гісторыка-культурнай спадчыны Рэспублікі Беларусь", будзе прымаць Савет Міністраў Рэспублікі Беларусь.
З гэтай нагоды арганізатары кампаніі з’вяртаюцца да беларускіх гісторыкаў і навукоўцаў, якія зацікаўленыя ў наданні бел-чырвона-беламу сцягу статуса гісторыка-культурнай каштоўнасці, далучыцца да напісання і прадастаўлення дакументальнага абгрунтавання нашай прапановы. І дапамагчы зрабіць, як напісана ў адказе, "поўную, дакладную і якасную фіксацыі аб’екта, якому прапаноўваецца надаць статус гісторыка-культурнай каштоўнасці, графічнымі сродкамі".
Звязацца з намі і даслаць варыянт абгрунтавання можна праз пазначаныя на сайце кантакты.
Дарэчы, Міністэрства культуры таксама патлумачыла, што ў 2008-м годзе такое пытанне ўжо разглядалася, але паколькі дакументальнага абгрунтавання, якое патрабуе закон, не было, то Навукова-метадычная рада не падтрымала прапанову аб наданні ўказанага статуса.
Таму, каб пытанне зараз зноў патрапіла на разгляд Рады, трэба скласці адпаведнае абгрунтаванне.
Ніжэй знаходзяцца копіі адказаў Міністэрства культуры.
