Еўропа для абраных (відэа)
Неўязная ў Еўразвяз за фальсіфікацыю выбараў, да ўсяго не запрошаная асабіста старшыня ЦВК Лідзія Ярмошына ўсё ж прыехала ў Аўстрыю, каб паўдзельнічаць у канферэнцыі, што разглядае правядзенне справядлівых выбараў. Лідара ж грамадзянскай кампаніі “За справядлівыя выбары” Віктара Карнеенку – афіцыйна запрошанага на канферэнцыю АБСЕ – улады Беларусі не выпусцілі з краіны.
Хочаш справядлівых выбараў – рыхтуйся да ціску дзяржаўнай машыны. Віктар Карнеенка адчуў гэта на сабе за дзень да меркаванай паездкі ў Вену. Спачатку ў ягоны дом прыйшлі міліцыянты з ператрусам...
ВІКТАР КАРНЕЕНКА, КАМПАНІЯ «ЗА СПРАВЯДЛІВЫЯ ВЫБАРЫ»:
“Паводле ананімнага тэлефанавання, у маім доме ёсць незаконная друкаваная літаратура. Узялі панятых і пачалі шукаць”.
А сёння Карнеенку не пусцілі праз мяжу, без тлумачэння прычынаў паставіўшы ў пашпарт пячатку, што ён невыязны.
АЛЕСЬ ЛАГВІНЕЦ, ПАЛІТОЛАГ:
“Улады чакаюць шырокага медыйнага эфекту, каб падкрэсліць сваю ўсёмагутнасць і тое, што ў любы момант гэты дамоклаў меч, што вісіць над кожным актывістам, можа быць задзеяны”.
ВІКТАР КАРНЕЕНКА, КАМПАНІЯ «ЗА СПРАВЯДЛІВЫЯ ВЫБАРЫ»:
“У нас створаныя такія інстытуты ціску на грамадства, што яны ж мусяць адпрацоўваць свой хлеб, адсочваць... Невядома, колькі людзей працуе на гэтыя спецслужбы”.
Забарона на выезд запрошанаму ўдзельніку канферэнцыі ў АБСЕ выклікала пратэст. Прадстаўнік Злучаных Штатаў заявіў, што адмаўляецца ўдзельнічаць у сустрэчы, пакуль свабоду перамяшчэння Карнеенкі гвалтоўна абмяжоўваюць. Яго падтрымаў і старшыня арганізацыі.
ЭЙМАН ГІЛМАР, СТАРШЫНЯ АБСЕ:
“Удзел прадстаўнікоў грамадзянскай супольнасці заўсёды быў вызначальны для АБСЕ, як гэта неаднаразова дэкларавалася ўсімі краінамі – чальцамі арганізацыі, у тым ліку Беларуссю. Я заклікаю ўлады Беларусі перагледзець сваё рашэнне як мага хутчэй”.
Аднак Лідзія Ярмошына, якую пасля апошніх прэзідэнцкіх выбараў еўрапейцы занеслі ў спіс неўязных чыноўнікаў, змагла даехаць да Вены. Бо ў АБСЕ яна прэзентуе Беларусь на афіцыйным узроўні.
АЛЕСЬ ЛАГВІНЕЦ, ПАЛІТОЛАГ:
“Я думаю, што рэжым рыхтаваў такую правакацыю, каб накіраваць Ярмошыну – каб яшчэ раз падкрэсліць, што ён можа часткова грэбаваць еўрапейскімі санкцыямі ды накіроўваць адыёзных чыноўнікаў у еўрапейскія сталіцы”.
У аўстрыйскай сталіцы старшыню Цэнтрвыбаркаму сустрэлі пікетам і палітычнымі коміксамі. Аднак асуджэнне выбарчых фальсіфікацыяў Ярмошына прыняла за камплімент.
Хочаш справядлівых выбараў – рыхтуйся да ціску дзяржаўнай машыны. Віктар Карнеенка адчуў гэта на сабе за дзень да меркаванай паездкі ў Вену. Спачатку ў ягоны дом прыйшлі міліцыянты з ператрусам...
ВІКТАР КАРНЕЕНКА, КАМПАНІЯ «ЗА СПРАВЯДЛІВЫЯ ВЫБАРЫ»:
“Паводле ананімнага тэлефанавання, у маім доме ёсць незаконная друкаваная літаратура. Узялі панятых і пачалі шукаць”.
А сёння Карнеенку не пусцілі праз мяжу, без тлумачэння прычынаў паставіўшы ў пашпарт пячатку, што ён невыязны.
АЛЕСЬ ЛАГВІНЕЦ, ПАЛІТОЛАГ:
“Улады чакаюць шырокага медыйнага эфекту, каб падкрэсліць сваю ўсёмагутнасць і тое, што ў любы момант гэты дамоклаў меч, што вісіць над кожным актывістам, можа быць задзеяны”.
ВІКТАР КАРНЕЕНКА, КАМПАНІЯ «ЗА СПРАВЯДЛІВЫЯ ВЫБАРЫ»:
“У нас створаныя такія інстытуты ціску на грамадства, што яны ж мусяць адпрацоўваць свой хлеб, адсочваць... Невядома, колькі людзей працуе на гэтыя спецслужбы”.
Забарона на выезд запрошанаму ўдзельніку канферэнцыі ў АБСЕ выклікала пратэст. Прадстаўнік Злучаных Штатаў заявіў, што адмаўляецца ўдзельнічаць у сустрэчы, пакуль свабоду перамяшчэння Карнеенкі гвалтоўна абмяжоўваюць. Яго падтрымаў і старшыня арганізацыі.
ЭЙМАН ГІЛМАР, СТАРШЫНЯ АБСЕ:
“Удзел прадстаўнікоў грамадзянскай супольнасці заўсёды быў вызначальны для АБСЕ, як гэта неаднаразова дэкларавалася ўсімі краінамі – чальцамі арганізацыі, у тым ліку Беларуссю. Я заклікаю ўлады Беларусі перагледзець сваё рашэнне як мага хутчэй”.
Аднак Лідзія Ярмошына, якую пасля апошніх прэзідэнцкіх выбараў еўрапейцы занеслі ў спіс неўязных чыноўнікаў, змагла даехаць да Вены. Бо ў АБСЕ яна прэзентуе Беларусь на афіцыйным узроўні.
АЛЕСЬ ЛАГВІНЕЦ, ПАЛІТОЛАГ:
“Я думаю, што рэжым рыхтаваў такую правакацыю, каб накіраваць Ярмошыну – каб яшчэ раз падкрэсліць, што ён можа часткова грэбаваць еўрапейскімі санкцыямі ды накіроўваць адыёзных чыноўнікаў у еўрапейскія сталіцы”.
У аўстрыйскай сталіцы старшыню Цэнтрвыбаркаму сустрэлі пікетам і палітычнымі коміксамі. Аднак асуджэнне выбарчых фальсіфікацыяў Ярмошына прыняла за камплімент.