Сёння ЦВК разгледзіць заяву Сяргея Калякіна
Сёння, 9 сьнежня, у Менску на пасяджэньні Цэнтравыбаркаму плянуецца разгледзець заяву С.Калякіна з патрабаваньнем скасаваць рэгістрацыю кандыдата ў прэзыдэнты Аляксандра Лукашэнкі.
Каардынатар кампаніі “За свабодныя выбары” Сяргей Калякін накіраваў у Цэнтравыбаркам заяву, у якой прыводзіць факты, якія сьведчаць пра парушэньні кандыдатам у прэзыдэнты Аляксандрам Лукашэнкам выбарчага заканадаўства.
Сяргей Калякін патлумачыў:
"Лукашэнка правёў сустрэчу са сваімі даверанымі асобамі ў працоўны час і ў будынку адміністрацыі прэзыдэнта, што немагчыма па Выбарчым кодэксе. Тым самым ён парушыў роўнасьць, якая павінна існаваць паміж кандыдатамі. Па-другое, ён выкарыстоўвае адміністратыўны рэсурс, бо яго падначаленыя ў працоўны час займаліся яго выбарчымі пытаньнямі. Па-трэцяе, іншыя кандыдаты ня маюць магчымасьці праводзіць у будынку адміністрацыі прэзыдэнта сустрэчы са сваімі даверанымі асобамі. Гэта ўсё забараняе Выбарчы кодэкс, і таму там прадугледжана такое пакараньне як зьняцьцё кандыдата, які гэта парушае, з выбарчай кампаніі".
Спадар Калякін таксама згадвае пра іншыя парушэньні каманды Лукашэнкі, калі дакумэнты аб рэгістрацыі ініцыятыўнай групы падаваў ня ён асабіста, а Аляксандар Радзькоў, кіраўнік групы па зборы подпісаў.
Аналягічную заяву з патрабаваньнем скасаваць рэгістрацыю Лукашэнкі падала ў ЦВК і сябра Менскага выбаркаму Галіна Сямдзянава.
"Я наогул стаўлю пытаньне аб тым, ці можна тое, што ў нас адбываецца, назваць выбарамі? І канкрэтна прывяла прыклады таго, як адбывалася, і гэта паказалі па тэлебачаньні, сустрэча кандыдата ў прэзыдэнты з даверанымі асобамі, якая праходзіла ў адміністрацыі прэзыдэнта. Ці можа іншы кандыдат такімі самымі ўмовамі скарыстацца? Гэта ёсьць парушэньне артыкула 73-га — выкарыстаньне адміністрацыйнага рэсурсу і парушэньне Выбарчага кодэксу. Нарэшце, дайшла чарга разгледзіць маю скаргу, бо я ўжо напісала столькі скаргаў, што ўжо рука баліць".
Таксама ЦВК мае разгледзець звароты кандыдатаў Уладзімера Някляева і Андрэя Саньнікава, датычныя таго, каб ім далі дадатковы эфір для выступаў. У іх камандах лічаць, што Лукашэнкі на тэлебачаньні нашмат больш, чым астатніх.
Каардынатар кампаніі “За свабодныя выбары” Сяргей Калякін накіраваў у Цэнтравыбаркам заяву, у якой прыводзіць факты, якія сьведчаць пра парушэньні кандыдатам у прэзыдэнты Аляксандрам Лукашэнкам выбарчага заканадаўства.
Сяргей Калякін патлумачыў:
"Лукашэнка правёў сустрэчу са сваімі даверанымі асобамі ў працоўны час і ў будынку адміністрацыі прэзыдэнта, што немагчыма па Выбарчым кодэксе. Тым самым ён парушыў роўнасьць, якая павінна існаваць паміж кандыдатамі. Па-другое, ён выкарыстоўвае адміністратыўны рэсурс, бо яго падначаленыя ў працоўны час займаліся яго выбарчымі пытаньнямі. Па-трэцяе, іншыя кандыдаты ня маюць магчымасьці праводзіць у будынку адміністрацыі прэзыдэнта сустрэчы са сваімі даверанымі асобамі. Гэта ўсё забараняе Выбарчы кодэкс, і таму там прадугледжана такое пакараньне як зьняцьцё кандыдата, які гэта парушае, з выбарчай кампаніі".
Спадар Калякін таксама згадвае пра іншыя парушэньні каманды Лукашэнкі, калі дакумэнты аб рэгістрацыі ініцыятыўнай групы падаваў ня ён асабіста, а Аляксандар Радзькоў, кіраўнік групы па зборы подпісаў.
Аналягічную заяву з патрабаваньнем скасаваць рэгістрацыю Лукашэнкі падала ў ЦВК і сябра Менскага выбаркаму Галіна Сямдзянава.
"Я наогул стаўлю пытаньне аб тым, ці можна тое, што ў нас адбываецца, назваць выбарамі? І канкрэтна прывяла прыклады таго, як адбывалася, і гэта паказалі па тэлебачаньні, сустрэча кандыдата ў прэзыдэнты з даверанымі асобамі, якая праходзіла ў адміністрацыі прэзыдэнта. Ці можа іншы кандыдат такімі самымі ўмовамі скарыстацца? Гэта ёсьць парушэньне артыкула 73-га — выкарыстаньне адміністрацыйнага рэсурсу і парушэньне Выбарчага кодэксу. Нарэшце, дайшла чарга разгледзіць маю скаргу, бо я ўжо напісала столькі скаргаў, што ўжо рука баліць".
Таксама ЦВК мае разгледзець звароты кандыдатаў Уладзімера Някляева і Андрэя Саньнікава, датычныя таго, каб ім далі дадатковы эфір для выступаў. У іх камандах лічаць, што Лукашэнкі на тэлебачаньні нашмат больш, чым астатніх.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
