Напад на актывістку кампаніі Саннікава

Сяброўку ініцыятыўнай групы кандыдата ў прэзідэнты Беларусі Андрэя Саннікава збіў невядомы.

24 лістапада каля 17.30 Валерыя Краўчанка распаўсюджвала інфармацыйныя матэрыялы пра час тэлевізійнага выступу Андрэя Саннікава, калі да яе падышоў невядомы. Ён некалькі разоў ударыў дзяўчыну ў твары і нанёс удар нагой у жывот. Пасля таго, як ад бліжэйшага прыпынку падбеглі людзі і заступіліся за яе, нападнік уцёк.

Пасля гэтага Краўчанка звярнулася па дапамогу ў паліклініку. Медыкі зафіксавалі ў яе удар мяккіх тканак. Актывістка склала заяву ў міліцыю.