Затрымалі за лістоўкі
У Брагіне міліцыянты й чалавек у цывільным затрымалі гомельскіх актывістаў АГП Аляксандра Процку і Натальлю Шчукіну.
Яны раздавалі гараджанам абвесткі пра тое, што 25 красавіка, напярэдадні чарговых угодкаў чарнобыльскай катастрофы, адбудзецца ўскладаньне кветак і вянкоў да мэмарыялу адселеных вёсак і да помніку чарнобыльскаму пажарніку Васілю Ігнаценку, які памёр ад радыяцыі.
Затрыманых даставілі ў міліцыю. Супраць Аляксандра Процкі складзены адміністрацыйны пратакол за парушэньне парадку правядзеньня масавых мерапрыемстваў. Як паведаміў сам затрыманы актывіст, яго наўпрост абвінавачваюць у арганізацыі несанкцыянаванага мітынгу. У дачыненьні да Натальлі Шчукінай пратаколу не складалі.
Зь міліцыі Аляксандра Процку даставілі ў Брагінскі раённы суд, дзе ён зараз і чакае судовага выраку.
Яны раздавалі гараджанам абвесткі пра тое, што 25 красавіка, напярэдадні чарговых угодкаў чарнобыльскай катастрофы, адбудзецца ўскладаньне кветак і вянкоў да мэмарыялу адселеных вёсак і да помніку чарнобыльскаму пажарніку Васілю Ігнаценку, які памёр ад радыяцыі.
Затрыманых даставілі ў міліцыю. Супраць Аляксандра Процкі складзены адміністрацыйны пратакол за парушэньне парадку правядзеньня масавых мерапрыемстваў. Як паведаміў сам затрыманы актывіст, яго наўпрост абвінавачваюць у арганізацыі несанкцыянаванага мітынгу. У дачыненьні да Натальлі Шчукінай пратаколу не складалі.
Зь міліцыі Аляксандра Процку даставілі ў Брагінскі раённы суд, дзе ён зараз і чакае судовага выраку.