Партыйная канферэнцыя АГП на мяжы зрыву

На 24-25 кастрычніка запланавана правядзенне Нацыянальнага Камітэта АГП і рэспубліканскай партыйнай канферэнцыі. Правесці яе планавалася ў сталічным IBB (Інфармацыйна-адукацыйны цэнтр імя Іаханэса Рау).

Аднак 13 кастрычніка IBB адмовіў у памяшканні - без указання прычыны, але са спасылкай на Мінгарвыканкам. Як нам стала вядома, менавіта адтуль паступіла распараджэнне адмовіць Аб’яднанай грамадзянскай партыі ў памяшканні для правядзення мерапрыемства.