Актывісты Руху павіншавалі з Днём Канстытуцыі (фота)

На выездах з Мінску былі замацаваныя прысвечаныя святу расцяжкі.

Уздоўж трасы на брэсцкім, гродзенскім і маскоўскім накірунках мінскія актывісты Руху "За Свабоду" замацавалі расцяжкі з надпісамі "Автор конституции народ?", "1995 – Гавары нармальна" "1996 – Моцная улада – аснова парадку", "2004 – Можна ешчо раз?"

– Мэта акцыі – не столькі павіншаваць мінчукоў, колькі прымусіць іх задумацца, ці нармальная сітуацыя, калі кіраўнік дзяржавы надзвычай лёгка і "элегантна" мяняе палажэнні Асноўнага закону так, як яму хочацца, – кажа адна з арганізатараў акцыі Алесь.

Расцяжкі правіселі каля гадзіны. Вялікая колькасць людзей змаглі пабачыць надпісы, калі вярталіся ў горад на машынах пасля нядзельнага адпачынку.