Саюз палякаў звярнуўся ў Генпракуратуру з нагоды сюжэту па БТ
Заява датычыць сюжэту ў "Панараме тыдня" на Першым нацыянальным тэлеканале, прысвечаным VII з’езду Саюза палякаў на Беларусі 15 сакавіка ў Гродне.
28 сакавіка адбылося першае пасля з’езду СПБ паседжанне новаабранай Галоўнай Рады Саюза палякаў на Беларусі. Сярод іншага на паседжанні быў прыняты зварот да генеральнага пракурора Рыгора Васілевіча. У ім гаворыцца наступнае.
"22 сакавіка ў эфіры Першага канала Беларускага Тэлебачання ў праграме "Панарама тыдня" быў паказаны сюжэт, які тычыўся VII з’езда Саюза палякаў на Беларусі, што адбыўся 15 сакавіка ў Гродне. У гэтым матэрыяле ўтрымліваюцца звесткі, якія не толькі абражаюць гонар і годнасць сяброў нашай арганізацыі, але таксама скіраваныя на распальванне нацыянальнай варожасці.
У прыватнасці, аўтары сцвярджаюць, што на з’ездзе нашай арганізацыі было абвешчана, што "палякі — гэта вышэйшая раса". Тым часам, на з’ездзе падобнага выказвання не было, таму распаўсюджаная дзяржаўным тэлебачаннем інфармацыя не адпавядае рэчаіснасці. Мэта гэтай хлуслівай інфармацыі — пераканаць прадстаўнікоў іншых нацыянальнасцяў, якія жывуць на Беларусі, у тым, што палякі лічаць сябе лепшымі за іх і такім чынам вылікаць у іх варожасць у дачыненні да пальскай нацыянальнай меншасці.
Такім чынам аўтары вышэйзгаданага сюжэту свядома распальвалі нацыянальную варожасць паміж палякамі і іншымі нацыянальнасцямі і тым самым здзейснілі злачынства, прадугледжанае арт. 130 КК РБ "Распальванне расавай, нацыянальнай альбо рэлігійнай варожасці".
Галоўная Рада Саюза Палякаў на Беларусі звяртаецца да Вас з заклікам:
1. Устанавіць аўтараў вышэйзгаданага тэлематэрыялу і прыцягнуць іх да крымінальнай адказнасці.
2. Паспрыяць таму, каб у дзяржаўных сродках масавай інфармацыі ў будучым ніколі не з’яўляліся матэрыялы, якія распальваюць расавую, нацыянальную альбо рэлігійную варожасць".
28 сакавіка адбылося першае пасля з’езду СПБ паседжанне новаабранай Галоўнай Рады Саюза палякаў на Беларусі. Сярод іншага на паседжанні быў прыняты зварот да генеральнага пракурора Рыгора Васілевіча. У ім гаворыцца наступнае.
"22 сакавіка ў эфіры Першага канала Беларускага Тэлебачання ў праграме "Панарама тыдня" быў паказаны сюжэт, які тычыўся VII з’езда Саюза палякаў на Беларусі, што адбыўся 15 сакавіка ў Гродне. У гэтым матэрыяле ўтрымліваюцца звесткі, якія не толькі абражаюць гонар і годнасць сяброў нашай арганізацыі, але таксама скіраваныя на распальванне нацыянальнай варожасці.
У прыватнасці, аўтары сцвярджаюць, што на з’ездзе нашай арганізацыі было абвешчана, што "палякі — гэта вышэйшая раса". Тым часам, на з’ездзе падобнага выказвання не было, таму распаўсюджаная дзяржаўным тэлебачаннем інфармацыя не адпавядае рэчаіснасці. Мэта гэтай хлуслівай інфармацыі — пераканаць прадстаўнікоў іншых нацыянальнасцяў, якія жывуць на Беларусі, у тым, што палякі лічаць сябе лепшымі за іх і такім чынам вылікаць у іх варожасць у дачыненні да пальскай нацыянальнай меншасці.
Такім чынам аўтары вышэйзгаданага сюжэту свядома распальвалі нацыянальную варожасць паміж палякамі і іншымі нацыянальнасцямі і тым самым здзейснілі злачынства, прадугледжанае арт. 130 КК РБ "Распальванне расавай, нацыянальнай альбо рэлігійнай варожасці".
Галоўная Рада Саюза Палякаў на Беларусі звяртаецца да Вас з заклікам:
1. Устанавіць аўтараў вышэйзгаданага тэлематэрыялу і прыцягнуць іх да крымінальнай адказнасці.
2. Паспрыяць таму, каб у дзяржаўных сродках масавай інфармацыі ў будучым ніколі не з’яўляліся матэрыялы, якія распальваюць расавую, нацыянальную альбо рэлігійную варожасць".