Мікалай Аўтуховіч галадае 90-ты дзень

"Радыё Свабода"
14 июля 2009, 09:29
Сёння 90 дзён, як у мінскім следчым ізалятары галадае на знак пратэсту Мікалай Аўтуховіч, прадпрымальнік з Ваўкавыска, якога абвінавацілі ў падпале дома мясцовага міліцыянера.

Напярэдадні былі звесткі, што Мікалай Аўтуховіч на пачатку тыдня збіраецца спыніць галадоўку. Каб праверыць гэтыя звесткі, я пазваніў на тэлефон дзяжурнага "Валадаркі". Дзяжурны адказаў каротка: "У нас няма галадоўнікаў" — і кінуў слухаўку.

Пасля гэтага я пазваніў доктарцы ізалятара, якая 8 ліпеня казала мне пра тое, што Аўтуховіч нібыта мае намер спыніць галадоўку. Паводле яе цяперашніх звестак, галадоўка працягваецца:

"Пакуль ён не прымае ежы. Мне невядома, чаму дзяжурны кажа, што ў нас няма галадоўнікаў. Ён не ведае, насамрэч ёсць у нас галадоўнікі. Мне Аўтуховіч сёння казаў, што падумае, ці спыняць галадоўку. Мне ж трэба падрыхтавацца да ягонага харчавання, калі ён спыніць галадоўку. Звычайнай ежы ён жа прымаць не зможа. Пакуль ён яшчэ думае і галадае".

Даведацца, як пачуваецца ў дадзены момант Мікалай Аўтуховіч, не ўдалося — размову спынілі. Нагадаю, паводле адваката Паўла Сапелкі, які бачыўся з Аўтуховічам 10 ліпеня, той быў "вельмі слабы, казаў, што ў яго кружыцца галава, дваіцца ў вачах і кожны рух даецца яму з вялікім намаганнем".
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовостиПолитика ❯ Мікалай Аўтуховіч галадае 90-ты дзень