Што будзе ў Смаргоні на Дзень беларускага пісьменства

"МЫ"
2 сентября 2009, 10:06
6 верасня пройдзе чарговы Дзень беларускага пісьменства – гэтым разам у Смаргоні (наступны, дарэчы, адзначаць у Хойніках). Галоўнымі месцамі правядзення свята абраныя Цэнтральная гарадская плошча і Летні амфітэатр у гарадскім парку.

На Цэнтральнай плошчы будзе размешчана галоўная сцэна, дзе адбудзецца ўрачыстая цырымонія адкрыцця Дня беларускага пісьменства, а таксама шматлікія канцэртныя выступленні мастацкіх калектываў Гродзенскай вобласці і Смаргонскага раёна і вячэрні святочны канцэрт. На сцэне Летняга амфітэатра ў гараскім парку пройдзе цырымонія ўзнагароджання пераможцаў нацыянальнага конкурсу "Мастацтва кнігі" і Рэспубліканскага конкурсу на лепшы твор у галіне паэзіі, прозы, драматургіі, літаратурнай крытыкі, дзіцячай літаратуры.

У парку на працягу дня з 10.00 да 19.00 пройдзе Фестываль кнігі і прэсы.

У цэнтры горада ля гасцініцы "Смаргонь" урачыста адкрыюць чатырохметровы помнік Францішку Багушэвічу, якія сядзіць на камяні. На працягу дня будуць таксама арганізаваны экскурсіі у музей-сядзібу паэта ў Кушлянах.
А 5 верасня ў Смаргоні адбудзецца пасяджэнне "круглага стала" "Мастацкі тэкст як сродак зносін народаў" з удзелам замежных пісьменнікаў, а таксама навукова-практычная канферэнцыя "Смаргонскія чытанні". Увечары гэтага ж дня ў Летнім амфітэатры будзе прадстаўлена канцэртная праграма ансамбля салістаў "Класік-авангард" Белдзяржфілармоніі "Пад гукі даўніх паланэзаў…", складзеная з твораў кампазітараў ХІХ стагоддзя, творчыя лёсы якіх цесна звязаны з беларускай культурай. Гэта - Мячыслаў Карловіч, Ян Карловіч, Станіслаў Манюшка, Фларыян Міладоўскі, Міхал Клеафас Агінскі.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники

Новости других СМИ