“Бобруйский курьер“ зноў прадаецца ў шапіках
4 чэрвеня адбылося другое пасяджэнне Каардынацыйнай рады па СМІ. У выніку абмеркаванняў было заяўлена, што рада парэкамендуе "Белпошце" і "Саюздруку" ўзнавіць распаўсюд незалежных выданняў, якія цяпер знаходзяцца па‑за афіцыйнымі сеткамі.
Насамрэч ва ўсе рэдакцыі рэгіянальных СМІ прыйшлі лісты за подпісам галоўнага рэдактара "Советской Белоруссии" Паўла Якубовіча з прапановай звярнуцца ў мясцовыя аддзяленні "Белпошты" і "Саюздруку".
Праўда, дабіцца нечага змог толькі "Бобруйский курьер". Ужо ад серады газета зноў прадаецца ў шапіках. У падпісцы ж яна была і дагэтуль.
Галоўны рэдактар "Вольнага Глыбокага" Уладзімір Скрабатун кажа, што "Віцебскі аблсаюздрук" не супраць, каб выданне зноў з’явілася ў кіёсках. Там таксама атрымалі ліст ад імя Паўла Якубовіча. Што праўда, Скрабатун пакуль не падае дакументы, бо заняты перарэгістрацыяй формы ўласнасці газеты.
А вось "Борисовским новостям", "Газеце Слонімскай", "Intex‑press" было адмоўлена. Галоўны рэдактар баранавіцкага "Intex‑press" Уладзімір Янукевіч кажа, што ўсе неабходныя паперы яны падалі адразу ж пасля пасяджэння рады. З "Белсаюздруку" адказалі, што "прыём выдання не ўяўляецца магчымым", а "Белпошта" вяртанне ў падпіску палічыла "немэтазгодным".
Насамрэч ва ўсе рэдакцыі рэгіянальных СМІ прыйшлі лісты за подпісам галоўнага рэдактара "Советской Белоруссии" Паўла Якубовіча з прапановай звярнуцца ў мясцовыя аддзяленні "Белпошты" і "Саюздруку".
Праўда, дабіцца нечага змог толькі "Бобруйский курьер". Ужо ад серады газета зноў прадаецца ў шапіках. У падпісцы ж яна была і дагэтуль.
Галоўны рэдактар "Вольнага Глыбокага" Уладзімір Скрабатун кажа, што "Віцебскі аблсаюздрук" не супраць, каб выданне зноў з’явілася ў кіёсках. Там таксама атрымалі ліст ад імя Паўла Якубовіча. Што праўда, Скрабатун пакуль не падае дакументы, бо заняты перарэгістрацыяй формы ўласнасці газеты.
А вось "Борисовским новостям", "Газеце Слонімскай", "Intex‑press" было адмоўлена. Галоўны рэдактар баранавіцкага "Intex‑press" Уладзімір Янукевіч кажа, што ўсе неабходныя паперы яны падалі адразу ж пасля пасяджэння рады. З "Белсаюздруку" адказалі, што "прыём выдання не ўяўляецца магчымым", а "Белпошта" вяртанне ў падпіску палічыла "немэтазгодным".