Апазіцыя перазагрузіць адносіны з Масквой

"Нам патрэбна "перазагрузка" беларуска-расійскіх дачыненняў" – так сфармуляваў мэту двухдзённай паездкі ў Маскву старшыня Аб’яднанай грамадзянскай партыі Анатоль Лябедзька.

Сёння і заўтра разам з Яраславам Раманчуком ён правядзе шэраг сустрэчаў з расійскімі экспертамі, навукоўцамі і палітыкамі.

Таксама прадугледжана вялікая прэс-канферэнцыя Лябедзькі і Раманчука для расійскіх журналістаў. На ёй беларускія апазіцыйныя палітыкі раскажуць пра сваё бачанне крызісу ў дачыненнях афіцыйных Масквы і Мінска.