Прастора звычайнага Наталлі Белавокай
Яе творы можна ўбачыць на розных супольных выставах. І, нягледзячы на знешнюю някідкасць, яны заўжды прыцягваюць увагу гледачоў.
Закінуты сад, вясковыя храмы, леташнія травы -- здаецца, каго можна гэтым здзівіць? Такое можна пабачыць на кожным кроку, варта толькі выехаць за межы горада. Вока ніколі не зачэпіцца за такі краявід, бо для нас усё гэта -- звыклая рэчаіснасць. Аднак менавіта ў такой рэчаіснасці мастачка Наталля Белавокая і бачыць непаўторную прыгажосць. І з уласцівым ёй майстэрствам дзеліцца сваёй прасторай з гледачамі. Прычым, Наталля працуе ў досыць рэдкай старажытнай тэхніцы жывавпісу па ляўкасе.
Адкуль у мастачкі, якая даўно жыве ў Мінску, такая моцная сувязь з прыродай? Як нараджаюцца ідэі яе прац? І наколькі запатрабаваны і актуальны сёння жанр пейзажу?
Задаць гэтыя пытанні мастачцы і пабачыць яе працы вы можаце 17 верасня у “Галерэі Мастацтваў” на праспекце Незалежнасці, 12, дзе а 18-ай гадзіне адкрываецца персанальная выстава Наталлі Белавокай “Прастора звычайнага”.
Для даведкі.
Наталля Белавокая – сябра Беларускага саюза мастакоў з 2008 г. У мастацкіх выставах бярэ ўдзел з 2000 г. Персанальныя выставы: Мінск, галерэя “Добрыя Мыслі” 2006 г.; Мінск; музей Максіма Багдановіча, 2007 г.; Мінск, ТБМ 2008 г.; Мінск, Мастацкая галерэя Інстытута тэалогіі БДУ, 2008 г. Прымала ўдзел у шматлікіх міжнародных пленэрах. Творы мастачкі захоўваюцца ў Мастацкай галерэі Міхаіла Савіцкага і ў прыватных калекцыях Беларусі, Францыі, Галандыі.
Закінуты сад, вясковыя храмы, леташнія травы -- здаецца, каго можна гэтым здзівіць? Такое можна пабачыць на кожным кроку, варта толькі выехаць за межы горада. Вока ніколі не зачэпіцца за такі краявід, бо для нас усё гэта -- звыклая рэчаіснасць. Аднак менавіта ў такой рэчаіснасці мастачка Наталля Белавокая і бачыць непаўторную прыгажосць. І з уласцівым ёй майстэрствам дзеліцца сваёй прасторай з гледачамі. Прычым, Наталля працуе ў досыць рэдкай старажытнай тэхніцы жывавпісу па ляўкасе.
Ракаў. Срэбра зімы
Адкуль у мастачкі, якая даўно жыве ў Мінску, такая моцная сувязь з прыродай? Як нараджаюцца ідэі яе прац? І наколькі запатрабаваны і актуальны сёння жанр пейзажу?
Сынкавічы. Вецер поўначы
Сіні лес
Задаць гэтыя пытанні мастачцы і пабачыць яе працы вы можаце 17 верасня у “Галерэі Мастацтваў” на праспекце Незалежнасці, 12, дзе а 18-ай гадзіне адкрываецца персанальная выстава Наталлі Белавокай “Прастора звычайнага”.
Для даведкі.
Наталля Белавокая – сябра Беларускага саюза мастакоў з 2008 г. У мастацкіх выставах бярэ ўдзел з 2000 г. Персанальныя выставы: Мінск, галерэя “Добрыя Мыслі” 2006 г.; Мінск; музей Максіма Багдановіча, 2007 г.; Мінск, ТБМ 2008 г.; Мінск, Мастацкая галерэя Інстытута тэалогіі БДУ, 2008 г. Прымала ўдзел у шматлікіх міжнародных пленэрах. Творы мастачкі захоўваюцца ў Мастацкай галерэі Міхаіла Савіцкага і ў прыватных калекцыях Беларусі, Францыі, Галандыі.