Запасы на магілёўскіх складах растуць

За першыя чатыры месяцы 2009 года запасы гатовай прадукцыі на прадпрыемствах Магілёўскай вобласці павялічыліся на 200 млрд рублёў. Цяпер яны складаюць 751 млрд рублёў. Пра гэта паведаміў намеснік старшыні камітэта па эканоміцы Магілёўскага аблвыканкама Мікалай Папкоў.

Апошняя лічба ўдвая перавышае запланаваны на 2009 год бюджэт Магілёва. Пры гэтым аб'ём вытворчасці ў параўнанні з леташнім знізіўся толькі на 5,5%.

Галоўнымі праблемамі названыя аслабленне знешніх рынкаў і складанасць праграмы імпартазамяшчэння. Экспарт прадукцыі сёлета знізіўся на 40%.