Партыя БНФ выбірае акцёраў для спектакля “Кастусь Каліноўскі“

Кастынг для аматарскай пастаноўкі п’есы пра Кастуся Каліноўскага адбудзецца а 18-й гадзіне 16 жніўня на Ўправе Партыі БНФ.

Спектакль будзе пастаўлены па п’есе Ўладзіміра Караткевіча, паведамляе прэс-служба ПБНФ. У ім будуць задзейнічаны як акцёры-прафесіяналы, так і аматары.

Вы можаце паспрабаваць сябе ў ролі акцёра, касцюмера ці кампазітара. Прэм’ера плануецца на сакавік 2014 году.

Па ўсіх пытаннях і прапановах можна звяртацца да спадара Міколы Купавы +375 29 551 32 36.