«Крамбамбуля» сыграе перад беларускім паслом у Кіеве
Праект Лявона Вольскага прадставіць свой новы альбом на канцэртах ва Украіне і Германіі. На канцэрце у Кіеве музыкі выступяць перад паслом Беларусі ва Украіне, а ў Берліне заспяваюць дуэтам разам з нямецкім гуртом Baby Benzin.
Новы дыск праекту "Крамбамбуля" атрымаў назву "Драбадзі-драбада". "Гэта песні, правераныя часам. Іх спявалі і пад іх танчылі шмат пакаленняў у Германіі, Швецыі, Францыі, Славакіі, Харватыі, - распавядае Лявон Вольскі. - У гэтых песень розныя радзімы, але цяпер яны набылі новую агульную радзіму – Беларусь. Бо выдатна гучаць і пяюцца па-беларуску. Зрэшты, з павагі да народаў, якія нарадзілі гэтыя спевы, мы выканалі іх і на мовах арыгіналаў. Натуральна, з акцэнтам, але гэта толькі надае шарму. "Драбадзі-драбада" – гэта, даруйце мне банальнасць, традыцыі і сучаснасць. Гэта – як цудоўная дудка, ад гукаў якой ногі самі пачынаюць танчыць. А мы ж не баімся танчыць. Нягледзячы ні на што".
12 чэрвеня "Крамбамбуля" адыграе канцэрт у Кіеве ў межах штогадовага свята "Дзень сяла" перад аўдыторыяй у 10 000 чалавек. Арганізатары папрасілі беларускіх гасцей абысціся "без усялякіх палітычных момантаў", усё ж свята сямейнае. Да ўсяго на мерапрыемстве будзе прысутнічаць пасол Беларусі ва Украіне Валянцін Вялічка.
Пасля "Крамбамбуля" прадставіць "Драбадзі-драбада" у Германіі. Музыкі дадуць два канцэрты ў Гамбургу - 17 і 18 чэрвеня, адразу ж пасля яны паедуць у Берлін, дзе дадуць яшчэ адзін канцэрт 18 чэрвеня.
Між іншым, у нямецкай сталіцы Лявон Вольскі выканае нямецкую народную песню "Krambambuli" у панкаўскім стылі разам з нямецкай камандай Baby Benzin Рэліз дыску "Драбадзі-драбада" у Беларусі запланаваны на 1 верасня, аднак наведнікі замежных канцэртаў "Крамбамбулі" змогуць яго набыць раней.
Новы дыск праекту "Крамбамбуля" атрымаў назву "Драбадзі-драбада". "Гэта песні, правераныя часам. Іх спявалі і пад іх танчылі шмат пакаленняў у Германіі, Швецыі, Францыі, Славакіі, Харватыі, - распавядае Лявон Вольскі. - У гэтых песень розныя радзімы, але цяпер яны набылі новую агульную радзіму – Беларусь. Бо выдатна гучаць і пяюцца па-беларуску. Зрэшты, з павагі да народаў, якія нарадзілі гэтыя спевы, мы выканалі іх і на мовах арыгіналаў. Натуральна, з акцэнтам, але гэта толькі надае шарму. "Драбадзі-драбада" – гэта, даруйце мне банальнасць, традыцыі і сучаснасць. Гэта – як цудоўная дудка, ад гукаў якой ногі самі пачынаюць танчыць. А мы ж не баімся танчыць. Нягледзячы ні на што".
12 чэрвеня "Крамбамбуля" адыграе канцэрт у Кіеве ў межах штогадовага свята "Дзень сяла" перад аўдыторыяй у 10 000 чалавек. Арганізатары папрасілі беларускіх гасцей абысціся "без усялякіх палітычных момантаў", усё ж свята сямейнае. Да ўсяго на мерапрыемстве будзе прысутнічаць пасол Беларусі ва Украіне Валянцін Вялічка.
Пасля "Крамбамбуля" прадставіць "Драбадзі-драбада" у Германіі. Музыкі дадуць два канцэрты ў Гамбургу - 17 і 18 чэрвеня, адразу ж пасля яны паедуць у Берлін, дзе дадуць яшчэ адзін канцэрт 18 чэрвеня.
Між іншым, у нямецкай сталіцы Лявон Вольскі выканае нямецкую народную песню "Krambambuli" у панкаўскім стылі разам з нямецкай камандай Baby Benzin Рэліз дыску "Драбадзі-драбада" у Беларусі запланаваны на 1 верасня, аднак наведнікі замежных канцэртаў "Крамбамбулі" змогуць яго набыць раней.
