Забаронены Вайцюшкевіч выступіць у Мінску пад прыкрыццём шведаў
Зміцер Вайцюшкевіч разам з WZ-orkiestra збіраецца прэзэнтаваць свой новы альбом "Чара" на канцэрце ў Мінску 1 чэрвеня.
Прэзентацыя пройдзе ў звыклай для выканаўцы зале – Палацы культуры ветэранаў у самым цэнтры Мінска. Праўда ў закрытым фармаце. Уваход будзе толькі па запрашальніках, якія распаўсюджваюцца праз амбасаду Швецыі ў Беларусі.
"Зараз не той час, каб афішаваць канцэрты", - кажа спявак, які ўключаны ў негалосны "чорны" спіс.
У альбом "Чара" ўвайшлі песні на вершы шведскіх паэтаў. Творы Кенэта Клеметса, Крыстафера Леандуэра, Катарыны Фростэнсан на беларускую мову пераклалі Рыгор Барадулін, Алесь Разанаў, Зміцер Плакс, а Зміцер Вайцюшкевіч паклаў словы на музыку. Выканаўца кажа, што ў музычным плане яго новы альбом будзе значна адрознівацца ад папярэдніх працаў. Праграма "Чара" ужо была прэзентавана ў Швецыі – 2 мая музыкі з WZ-orkiestra далі канцэрт у Паўднёвым тэатры ў Стакгольме. А вось беларуская прэм’ера апынулася пад пытаннем, бо спявак трапіў у неафіцыйны "чорны" спіс разам з шэрагам іншых дзеячоў культуры, якія выступілі з крытыкай дзеянняў беларускіх уладаў 19-га снежня.
Тым не менш, высілкамі амбасады Швецыі ў Беларусі жывая прэзентацыя альбома "Чара" адбудзецца 1 чэрвеня ў мінскім Палацы ветэранаў. Мерапрыемства пройдзе ў межах Дней культуры Швецыі ў Беларусі. Арганізатары канцэрта вырашылі не рызыкаваць і зрабіць мерапрыемства ў закрытым фармаце – па запрашальніках.
Амбасадар Швецыі ў Беларусі Стэфан Эрыксан напісаў прадмову да дыска "Чара", дзе выказаў радасць з той нагоды, што Вайцюшкевіч узяўся напісаць музыку да вершаў сучасны шведскіх паэтаў і назваў Змітра "смелым чалавекам у жыцці і ў творчасці". У сакавіку дыпламат выказаў сваё меркаванне пасля шэрагу забаронаў канцэртаў айчынных выканаўцаў у Беларусі, у тым ліку і Вайцюшкевіча. У інтэрв’ю "Тузіну Гітоў" ён зазначыў: "Сітуацыя нейкая дзіўная, нават дзікая атрымліваецца. Самыя таленавітыя і цікавыя беларускія артысты не могуць выступаць у сваёй краіне! Мне нават цяжка растлумачыць шведам, што такое магчыма!"
22 ліпеня Зміцер Вайцюшкевіч збіраецца адзначыць 10-годдзе свайго WZ-orkiestra вялікім канцэртам. Выступ будзе адкрытым для ўсіх. Пройдзе ён на прыватнай тэрыторыі – на хутары Шаблі, што на Валожыншчыне.
Прэзентацыя пройдзе ў звыклай для выканаўцы зале – Палацы культуры ветэранаў у самым цэнтры Мінска. Праўда ў закрытым фармаце. Уваход будзе толькі па запрашальніках, якія распаўсюджваюцца праз амбасаду Швецыі ў Беларусі.
"Зараз не той час, каб афішаваць канцэрты", - кажа спявак, які ўключаны ў негалосны "чорны" спіс.
У альбом "Чара" ўвайшлі песні на вершы шведскіх паэтаў. Творы Кенэта Клеметса, Крыстафера Леандуэра, Катарыны Фростэнсан на беларускую мову пераклалі Рыгор Барадулін, Алесь Разанаў, Зміцер Плакс, а Зміцер Вайцюшкевіч паклаў словы на музыку. Выканаўца кажа, што ў музычным плане яго новы альбом будзе значна адрознівацца ад папярэдніх працаў. Праграма "Чара" ужо была прэзентавана ў Швецыі – 2 мая музыкі з WZ-orkiestra далі канцэрт у Паўднёвым тэатры ў Стакгольме. А вось беларуская прэм’ера апынулася пад пытаннем, бо спявак трапіў у неафіцыйны "чорны" спіс разам з шэрагам іншых дзеячоў культуры, якія выступілі з крытыкай дзеянняў беларускіх уладаў 19-га снежня.
Тым не менш, высілкамі амбасады Швецыі ў Беларусі жывая прэзентацыя альбома "Чара" адбудзецца 1 чэрвеня ў мінскім Палацы ветэранаў. Мерапрыемства пройдзе ў межах Дней культуры Швецыі ў Беларусі. Арганізатары канцэрта вырашылі не рызыкаваць і зрабіць мерапрыемства ў закрытым фармаце – па запрашальніках.
Амбасадар Швецыі ў Беларусі Стэфан Эрыксан напісаў прадмову да дыска "Чара", дзе выказаў радасць з той нагоды, што Вайцюшкевіч узяўся напісаць музыку да вершаў сучасны шведскіх паэтаў і назваў Змітра "смелым чалавекам у жыцці і ў творчасці". У сакавіку дыпламат выказаў сваё меркаванне пасля шэрагу забаронаў канцэртаў айчынных выканаўцаў у Беларусі, у тым ліку і Вайцюшкевіча. У інтэрв’ю "Тузіну Гітоў" ён зазначыў: "Сітуацыя нейкая дзіўная, нават дзікая атрымліваецца. Самыя таленавітыя і цікавыя беларускія артысты не могуць выступаць у сваёй краіне! Мне нават цяжка растлумачыць шведам, што такое магчыма!"
22 ліпеня Зміцер Вайцюшкевіч збіраецца адзначыць 10-годдзе свайго WZ-orkiestra вялікім канцэртам. Выступ будзе адкрытым для ўсіх. Пройдзе ён на прыватнай тэрыторыі – на хутары Шаблі, што на Валожыншчыне.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
