Война

Пра мінскага блюзмена Света здымаюць фільм - відэа

Сяргей Нятрэба, партал навінаў www.UDF.BY
18 апреля 2011, 09:09
Аўтары стужкі хочуць распавесці пра кароткае, але надта насычанае жыццё музыканта, які пражыў усяго 28 год. Грошы на здымкі будуць сабраныя пры дапамозе лепшых беларускіх выканаўцаў.

З ідэяй дабрачыннага канцэрту, прысвечанага памяці Света, выступіла маці музыканта. Усе сродкі, атрыманыя з акцыі, пойдуць на здымкі фільма пра выдатнага беларускага блюзмена. Дзеля гэтага ўсе выступоўцы пагадзіліся сыграць на вечарыне бясплатна, уладальнікі клуба таксама вырашылі не браць грошы за арэнду з арганізатараў.

"Вельмі няпроста знайсці людзей, якія бы паспрыялі выхаду фільма, таму мы вырашылі сабраць усіх, хто неабыякава ставіцца да творчасці Svet Boogie Band, каб разам зрабіць добрую справу", - кажа арганізатар акцыі Павел Кашырын. Так сталася, што ён ладзіў апошні канцэрт гэтага гурта 6 чэрвеня 2008 году. А ў ноч з 12 на 13 верасня яго лідэр Святаслаў "Свет" Хадановіч трагічна загінуў на 28 годзе жыцця.

28 красавіка ў мінскім клубе "Мулен Руж" збяруцца сябры і калегі музыкі – лепшыя джазавыя і блюзавыя выканаўцы краіны. Сыграюць White Night Blues, Павел Аракелян і "The Outsiders", Ігар Варашкевіч, Арцём Крычэўскі ды іншыя. Плануецца таксама правесці аўкцыён артэфактаў з калекцыі Святаслава: на продаж пойдуць аўтарскі альбом, фотапартрэт музыкі, афішы і майкі з яго аўтографам…

Аўтары дакументальнай стужкі пра блюзмена спадзяюцца скончыць працу над ёй цягам лета. Фільм мяркуецца паказаць на адным з расійскіх тэлеканалаў, а таксама прэзентаваць у верасні на вялікім канцэрце-акцыі ў мінскай філармоніі. Тым часам, у памяць пра вядомага музыку з Мінска плануецца правесці блюзавы фестываль у Маскве, які будзе звацца "Svet Boogie Fest”.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники

Новости других СМИ