Стэфан Эрыксан святкаваў Купалле ў Бабры
У ноч з 6 на 7 ліпеня некаторыя дзеячы беларускай культуры святкавалі Купалле ў гарадскім пасёлку Бобр на Барысаўшчыне. Арганізатарам свята выступіў вядомы мастак, які жыве са сваёй сям’ёй у Бабры, Алесь Пушкін.
У святкаванні Купалля ў Бабры брала ўдзел моладзь з Менску, Барысава, Магілёва і нават студэнты з Польшчы. Прыехала група літаратараў са сталічнага літаб’яднання "Вобла", якое стварыла выдавецтва "Галіяфы". За музычную частку свята адказваў бард і дудар Зміцер Сідаровіч. А бадай самым ганаровым госцем быў пасол Швецыі ў Беларусі Стэфан Эрыксан. Гаворыць удзельнік свята, намеснік дырэктара выдавецтва "Галіяфы" Міхась Башура:
- У Бобр завітаў пасол Швецыі ў Беларусі Стэфан Эрыксан. Ён прыехаў пагядзець, як мы, беларусы, адзначаем Купалле. Я з ім размаўляў, ён сказаў, што ўпершыню на Купаллі. Яму было цікава паглядзець, якія ў нас абрады, ён уважліва слухаў, калі дзяўчаты спявалі, з цікавасцю назіраў, як моладзь скакала праз вогнішча.
Традыцыйна ўдзельнікі свята палілі купальскае вогнішча, спявалі песні, танцавалі. Свята доўжылася да самай раніцы.
У святкаванні Купалля ў Бабры брала ўдзел моладзь з Менску, Барысава, Магілёва і нават студэнты з Польшчы. Прыехала група літаратараў са сталічнага літаб’яднання "Вобла", якое стварыла выдавецтва "Галіяфы". За музычную частку свята адказваў бард і дудар Зміцер Сідаровіч. А бадай самым ганаровым госцем быў пасол Швецыі ў Беларусі Стэфан Эрыксан. Гаворыць удзельнік свята, намеснік дырэктара выдавецтва "Галіяфы" Міхась Башура:
- У Бобр завітаў пасол Швецыі ў Беларусі Стэфан Эрыксан. Ён прыехаў пагядзець, як мы, беларусы, адзначаем Купалле. Я з ім размаўляў, ён сказаў, што ўпершыню на Купаллі. Яму было цікава паглядзець, якія ў нас абрады, ён уважліва слухаў, калі дзяўчаты спявалі, з цікавасцю назіраў, як моладзь скакала праз вогнішча.
Традыцыйна ўдзельнікі свята палілі купальскае вогнішча, спявалі песні, танцавалі. Свята доўжылася да самай раніцы.