Сельгаспрадпрыемствы выцясьняюць крамы
У Лідзкім раёне ў некаторых гаспадарках частку заробку людзі атрымліваюць у выглядзе прадуктаў. Мясцовыя крамы церпяць ад гэтага страты.
Згодна з афіцыйнымі зьвесткамі, сёлета ў гаспадарках Лідзкага раёну натуральная форма аплаты дасягнула 12% ад агульнай сумы заробкаў. Галоўны бухгальтар гаспадаркі "Мажэйкава" Сьвятлана Радзевіч тлумачыць гэтую навацыю наступствамі крызісу:
"Прымусіла нас гэта рабіць тое, што, пачынаючы са студзеня па сакавік прадукцыя ў нас не ішла і не хапала наяўных грошай, каб выплаціць заробак".
Спадарыня Радзевіч кажа, што асартымэнт харчовых тавараў для вяскоўцаў у іх даволі шырокі, прычым па коштах ніжэйшых, чым у краме райспажыўсаюзу.
Яна таксама дадае, што нікога з працаўнікоў не прымушаюць купляць менавіта ў калгасе, а папросту даюць людзям выбраць. Зь яе слоў, большасьць сялян карыстаюцца іхнымі паслугамі.
Я запытаўся ў адной з работніц гаспадаркі — ці зручна ёй такім чынам рабіць закупы? Вось што мне адказала спадарыня Ларыса:
"Яно, з аднаго боку, і зручна, таму што часта затрымліваецца заробак. Бывае, што да канца месяца".
Праўда, спадарыня Ларыса кажа, што і эканоміць даводзіцца, бо яе заробак зараз складае ўсяго 250 тысяч рублёў, а муж атрымлівае каля 500 тысяч.
У мясцовай краме райспажыўсаюзу таксама адчулі гэтую навіну на сабе, бо ў іх сталі меней купляць тавараў. Вось што мне сказала работніца крамы Тацяна:
"Ведаеце, цяпер саўгасная машына прыяжджае на плошчу перад крамай, і там усе тавары, як і ў магазыне. Яны нам гандаль канкрэтна падарвалі".
Галоўная бухгальтарка гаспадаркі кажа, што пакуль ня ведае, як доўга яны яшчэ будуць гандляваць такім чынам, але ўпэўненая, што на нейкім этапе — гэта выхад са становішча:
"Мы ж нікога не прымушаем, кожны чалавек выбірае, дзе яму лепей. У нас атрымліваецца таньней, чым у магазынах райспажыўсаюзу. У іх нацэнкі вышэйшыя".
Згодна з афіцыйнымі зьвесткамі, сёлета ў гаспадарках Лідзкага раёну натуральная форма аплаты дасягнула 12% ад агульнай сумы заробкаў. Галоўны бухгальтар гаспадаркі "Мажэйкава" Сьвятлана Радзевіч тлумачыць гэтую навацыю наступствамі крызісу:
"Прымусіла нас гэта рабіць тое, што, пачынаючы са студзеня па сакавік прадукцыя ў нас не ішла і не хапала наяўных грошай, каб выплаціць заробак".
Спадарыня Радзевіч кажа, што асартымэнт харчовых тавараў для вяскоўцаў у іх даволі шырокі, прычым па коштах ніжэйшых, чым у краме райспажыўсаюзу.
Яна таксама дадае, што нікога з працаўнікоў не прымушаюць купляць менавіта ў калгасе, а папросту даюць людзям выбраць. Зь яе слоў, большасьць сялян карыстаюцца іхнымі паслугамі.
Я запытаўся ў адной з работніц гаспадаркі — ці зручна ёй такім чынам рабіць закупы? Вось што мне адказала спадарыня Ларыса:
"Яно, з аднаго боку, і зручна, таму што часта затрымліваецца заробак. Бывае, што да канца месяца".
Праўда, спадарыня Ларыса кажа, што і эканоміць даводзіцца, бо яе заробак зараз складае ўсяго 250 тысяч рублёў, а муж атрымлівае каля 500 тысяч.
У мясцовай краме райспажыўсаюзу таксама адчулі гэтую навіну на сабе, бо ў іх сталі меней купляць тавараў. Вось што мне сказала работніца крамы Тацяна:
"Ведаеце, цяпер саўгасная машына прыяжджае на плошчу перад крамай, і там усе тавары, як і ў магазыне. Яны нам гандаль канкрэтна падарвалі".
Галоўная бухгальтарка гаспадаркі кажа, што пакуль ня ведае, як доўга яны яшчэ будуць гандляваць такім чынам, але ўпэўненая, што на нейкім этапе — гэта выхад са становішча:
"Мы ж нікога не прымушаем, кожны чалавек выбірае, дзе яму лепей. У нас атрымліваецца таньней, чым у магазынах райспажыўсаюзу. У іх нацэнкі вышэйшыя".