Шклоўскую газетную паперу тонамі звозяць на сметнік

Паблізу Шклова пачалі выкідваць бракаваную паперу, вырабленую на мясцовай фабрыцы.

"Рулоны газетнай паперы звозяць самазваламі на сметнік, — паведаміў Еўрарадыё відавочца падзеяў, мясцовы краязнаўца Міхаіл Кучарэнка. — Частку паперы ўжо разабралі людзі, частку закапалі, астатняя так і ляжыць".

Раней ужо з'яўлялася інфармацыя пра праблемы на шклоўскай фабрыцы газетнай паперы, якія на думку спецыялістаў звязаныя з неякасным абсталяваннем.